«AMANAT» partııasynan qoǵam ókilderi qandaı úmit kútedi
QR Prezıdenti janyndaǵy Qazaqstan strategııalyq zertteýler ınstıtýtynyń ǵylymı qyzmetkeri Indıra Rystına partııanyń kezekten tys sezi ótip jatqan kezde-aq «AMANAT» partııasy atyna zaty saı uıym bolý kerek degen oı aıtqan bolatyn .
Sarapshynyń paıymy boıynsha, saıası alańnyń búgingi kúngi eń basty krıterıi – zaman talabyna saı qoǵam talaptaryn eskerý.
Sondaı-aq, ol partııanyń jıynynda halyq únin bılik ınstıýttaryna jetkizý qyzmetin birinshi kezektegi basym baǵyty etip belgilegenin atady. Sarapshynyń oıynsha, atalǵan mindetti iske asyrý úshin mynadaı tetikter qoldanylýy kerek:
keri baılanys jasaý quraldarynyń tıimdiligin arttyrý,
partııalyq qabyldaý alańdarynyń shet aımaqtarǵa shyǵýy,
qoǵamdaǵy ahýaldy baǵalaý úshin qurylǵan «Áleýmet» jobasy,
azamattardyń óz usynystaryn onlaın formatta baqylaı alýyna múmknidik týǵyzý.
«Partııanyń aýdıtorııasy keń, músheleri kóp, elektoraty bar. Partııa osy aýdıtorııanyń oıyn jınap, máselelerdi saralap, ókiletti kanaldary arqyly sheshýge baǵyttalǵan jumysty turaqty negizge qoıatyn bolsa, qoǵamdaǵy kóptegen qyzýy joǵary núktelerdi azaıta alady», - dedi Indıra Rystına.
QR Prezıdenti janyndaǵy Qazaqstan strategııalyq zertteýler ınstıtýtynyń bas sarapshysy Nıkıta Shatalovtyń paıymynsha, partııanyń saılaýshylarmen aradaǵy qarym-qatynasy pikirsaıys arqyly ótýi kerek.
«Partııa múshelerine - saılaý arqyly Májiliske, máslıhattarǵa ótkenderge saılaýshylarmen tikeleı tildesý kerek. Eki aradaǵy qarym-qatynas pikirsaıys arqyly ótýi qajet. ıAǵnı, mundaı transparenttilikti, depýtattardyń nemese bastaýysh partııa uıymdary basshylarynyń reıtıngileri arqyly engizýge bolady. Bul partııanyń jumysyn odan da aıqyn etedi. Saıasattyń qalypty erejelerine sáıkes áreket etýdiń, adamdarmen, jýrnalıstermen, qoǵam ókilderimen sóılesýden qoryqpaýdyń qajettiligi týyndap otyr. Eń mańyzdysy, Qazaqstan saıasatyna jarııalylyq oralady», - deıdi sarapshy.
Al QR Parlamenti Senatynyń depýtaty Aqylbek Kúrishbaev bılik partııasy elde júıeli saıası transformatsııa júrip jatqan shaqta, olıgarhtardyń ekonomıkasy quldyrap jatqan kezeńde jańa baǵdardy aıqyndaýy zańdylyq dep esepteıdi.
«Búgin partııanyń ataýy ǵana ózgergen joq, eń bastysy, onyń máni men jumysynyń mazmuny da ózgermek. Áıtpese, basqasha bolmaıdy! Biz elimizde júıeli saıası transformatsııa júrip jatqanyn, olıgarhtardyń ekonomıkasy quldyrap jatqanyn túsinýimiz qajet. Eń bastysy, biz halyqtyń ózi memlekettik bıliktiń qaınar kózine aınalatyn ádil demokratııalyq qoǵam qurýǵa bet alamyz», - dedi senator.
«AMANAT» sapyndaǵy mamandar da jańa baǵdardy jańartylǵan qurammen iske asyrý jeńilirek bolatynyn aıtyp otyr. Atap aıtsaq, «AMANAT» partııasynyń Taldyqorǵan qalalyq fılıaly tóraǵasynyń birinshi orynbasary, depýtat Amanjol Jazyqbaev sondaı pikirde.
«Partııa Tóraǵasynyń qoıǵan mindetterin oıdaǵydaı júzege asyrý úshin jaýapkershilik pen talapqa saı kadrlar qajet. Osylaısha, uıym jergilikti jerlerde partııa qataryn nyǵaıtý jumysyna kirisedi. Resmı derekterge súıensek, «Nur Otan» partııasynyń negizin quraıtyn 4,5 myńnan astam bastaýysh partııa uıymy (BPU) bar. Partııa músheleriniń biliktiligin arttyrý, BPU jetekshileriniń reıtıngin engizý jáne partııa jarnasynyń 20 paıyzyn qaıtarý arqyly BPU-ny nyǵaıtý josparlanýda. Partııa janyndaǵy Saıası menedjment mektebi 3 myńnan astam partııa múshesin saıası menedjment pen kommýnıkatsııanyń jańa formattary boıynsha oqytatyn bolady. Jarnanyń 20 paıyzyn qaıtarý týraly aıtqanda, bul qarjynyń partııalyq jobalardy júzege asyrýǵa jumsalatynyn erekshe atap ótken jón. Belgili bolǵandaı, partııalyq jobalar birinshi kezekte aǵa urpaqty, jastardy jáne kómekke muqtaj adamdardy qamtıdy. BPU-nyń jumysy keńeıip, tıimdi quraldary arqyly júzege asyrylady»,- dedi Amanjol Jazyqbaev.
D.Qonaev atyndaǵy Eýrazııa zań akademııasynyń rektory, zań ǵylymdarynyń doktory, Adam quqyqtary jónindegi komıssııanyń sarapshysy Ómiráli Jalaırı «AMANAT» ókilderi áýeli kimniń amanatyn oryndaıtyndaryn túsinip alýy kerek ekenin aıtty.
«Qazir depýtatymyz da, basqamyz da búkil jumysty qaǵaz júzinde isteıtin bolyp aldyq. Al eldiń ishine baryp, naqty problemany betpe-bet zertteý óte sırek kezdesedi. Mysaly ózi shyqqan aýylda ınternet joq deıik. Depýtat sondaı problemanyń bar ekenin birinshi óz aıaǵymen baryp, kóz jetkizýi kerek. Sodan keıin problema sheshilgenshe eldi mekenderdi ınternetpen qamtýǵa jaýapty «Qazaqtelekom» sııaqty monopolısterdiń tabaldyryǵyn tozdyrýy kerek. Máslıhat depýtatttary da jergilikti ákimderdiń sheshimderin biraýyzdan maquldaý úshin qurylǵan ınstıtýt bolyp ketti. Jalpy olardyń quzyretin kóterý kerek. ıAǵnı, «Amanat» ókilderi áýeli kimniń amanatyn oryndaıtyndaryn túsinip alýy kerek. Qazir olar ákimderge tym kiriptar. Negizi máslıhat ákimderden esep alyp otyrýy kerek. Al bizde kerisinshe. Ol kiriptarlyqtan qutqarý úshin Májilistiń de, máslıhattardyń da 50 paıyz quramy majorıtarlyq júıemen saılanýy kerek. Áıtpese jergilikti ákimder óńsheń bas shulǵyp, maquldaǵysh adamdardy iriktep, bas kóterer belsendilerdiń bárin partııanyń mańaıyna jolatpaıdy. Tipti praımerızdiń ózi kóp jerde osyndaı qaǵıdatpen ótkenin ýaqyt kórsetip otyr», - deıdi zań ǵylymdarynyń doktory.
Mádenıet salasynyń ókilderi de «AMANAT» partııasynyń aınalasyndaǵy ózgeristerge sergek qarap otyr.
Saıası partııa ataýynyń ózgerýi - halyq únine qulaq asatyn memlekettiń qalyptasqanyn bildiredi. Mundaı pikirdi Qalıbek Qýanyshbaev atyndaǵy qazaq memlekettik akademııalyq mýzykalyq drama teatrynyń dırektory Aıbolat Jáýdir aıtqan bolatyn.
Onyń aıtýynsha, partııa halyqqa jaqyn bolýy tıis. «Partııa halyqqa jaqyn bolýy kerek. Óıtkeni, olardyń muń-muqtajy, ótinish-tilegi bar. Memleket -halyqqa qyzmet jasaıtyn qurylym. Halyqtyń erkin damýyna múmkindik beretin, qoǵam tabıǵatynan týyndaıtyn ortaq isterdi atqarýǵa qajetti basqarýdyń joǵary dárejede uıymdasqan júıesi, saıası bılik uıymy. Osy turǵydan alǵanda bul jańashyldyq qajet-aq»,- dedi teatr dırektory. Sonymen qatar, ol partııa qatarynda jastar kóbirek bolýy kerek ekenin tilge tıek etti. «Jańa ataýǵa ıe bolǵan «Amanat» saıası partııasynyń quramynda jastar kóp bolǵany abzal. Búgingi kúni belgilengen basymdyqtarǵa jastar da atsalysýy kerek. Birinshiden, olar tájirıbe jınaqtaıdy, ekinshiden, alǵa qoıǵan maqsattar nátıjeli bolady, úshinshiden, eldiń damýyna úles qosady dep esepteımin»,- deıdi óner ókili.
«Roza Baǵlanova atyndaǵy «Qazaqkontsert« memlekettik kontserttik uıymynyń dırektory Jeńis Seıdýllauly da osy másele boıynsha pikir bildirdi.
«Endi onyń jumys isteý tásilderi jańǵyrady, demek partııa men halyqtyń ózara birligi kúsheıe túsedi. Aldaǵy ýaqytta partııa músheleri osy mindetti oryndaýǵa belsene kirisedi dep oılaımyn. Prezıdent aıtqandaı, «Egemendigimiz, eldigimiz ben birligimiz, keń baıtaq jerimiz – bizge babalardan jetken amanat. Osy qasterli qundylyqtarymyzdy kózdiń qarashyǵyndaı saqtaýymyz kerek». Sondyqtan biz de partııanyń alǵan baǵytyn qoldap, uıymşyldyq tanytsaq, elimizdiń yrys-berekesi arta túsedi», - dedi ánshi.
BUU Adam quqyqtary jónindegi komıtetiniń burynǵy múshesi, zań ǵylymdarynyń doktory, professor Marat Sársembaevtyń oıynsha, Prezıdent usynatyn saıası baǵyt «AMANAT»-tyń ekinshi tynysyn ashady.
«Partııa quramy qazirgiden de jańarady dep úmittenemiz. Onsyz da osynyń aldyndaǵy sezde aıtarlyqtaı jańarǵanyn bilemiz. Partııa organynyń basqarý quramyna basqa adamdar kirdi degendeı. Burynǵylardyń bir bóligi quramnan shyǵaryldy da. Osy turǵydan alsaq, qandaı da bir qozǵalystyń bar ekeni jaqsy. Onyń ishinde kadrlyq turǵydan da, partııa saıasaty turǵysynan da qozǵalys bar dep aıta alamyz», - deıdi ǵalym. Zańger Prezıdent Qasym-Jomart Toqaevtyń 16 naýryzda jarııalaıtyn saıası reformalardyń jańa baǵdarlamasy «Amanat»-tyń ekinshi tynysyn ashady dep otyr. «Endi ne bolady desek, bul Prezıdenttiń naýryz aıynyń ortasynda eldiń saıası damý joly týraly ne aıtatynyna baılanysty. Memleket basshysy retinde eldiń saıası damýyn qalaı kóretinine, kózqarasy qalaı bolatynyna kóp dúnıe baılanysty. Osy máselege jaýap alǵan kezde patııanyń qalaı jyljıtyny týraly naqtyraq boljam aıtýǵa bolady. Ázirge Prezıdent osy partııanyń basshysy bolǵandyqtan, «Amanat» partııasynyń alǵa jasaıtyn qadamy da sol kezde aıtylatyn máselelerge negizdeledi dep oılaımyn. Prezıdent osy joly jańa saıası usynystar aıtady dep topshylap otyrmyn. Partııa osy reformalar aıasyndaǵy nusqaýlarmen, sheshimdermen qarýlanyp, ekinshi tynysy ashylady dep oılaımyn», - dedi sarapshy.
