«Amanat» partııasyna halyqpen jumys isteýden bastaý kerek - Talǵat Qalıev

NUR-SULTAN. QazAqparat – QazAqparattyń suhbat alańynda sarapshylar «Amanat» partııasynyń keshegi sezinde aıtylǵan Qazaqstandaǵy partııa júıesin damytý máselesin talqylady. Qoldanbaly etnosaıası zertteýler ınstıtýtynyń dırektory Talǵat Qalıevtiń aıtýynsha, partııa jumysynyń tıimdiligin ólsheıtin jalǵyz qural saılaý bolmaq, dep habarlaıdy QazAqparat tilshisi.

«Amanat» partııasyna tolyqqandy básekege túsýge týra keledi. Partııanyń jumysyna aralyq nátıjeler boıynsha baǵa bere almaımyz. Sondyqtan saılaý nátıjesi kez kelgen partııanyń jumysy qanshalyqty tıimdi bolǵanyn kórsetip beredi. Jaqsy jumys istese, saılaýda jeńedi, nashar istese, jeńiledi degen sııaqty. Ondaı jaǵdaıda kelesi saılaýǵa baryn salyp, erte bastan jumys isteýge týra keledi», - dedi sarapshy.

Onyń paıymynsha, partııaǵa úırenshikti aıadan shyǵyp, halyqpen shynaıy jumys isteýi kerek.