«AMANAT» partııasy Jańa Qazaqstan tujyrymdamasymen úndesip alǵa jyljýy kerek
«AMANAT» partııasynyń búkil jumysyn reformalaý bastaldy. Qoǵamnyń ózgerister men reformalarǵa degen suranysynyń artýyna baılanysty saıası reformalardyń aıasynda partııa jumysyn túbirimen qaıtadan qamtamasyz etý mindeti qoıylyp otyr. Birinshi kezekte partııanyń bastaýysh uıymdarynyń jergilikti halyqpen baılanysy qaıta jolǵa qoıylady. Qoǵamdy, halyqty qandaı máseleler tolǵandyryp otyr? Ortalyq apparat pen partııanyń oblystaǵy bólimsheleriniń arasynda jumysty jandandyrý kerek. «AMANAT» ókilderi búgingi memlekettik ıdeologııamyzdy qoǵamǵa túsindirip, qoǵam men partııanyń arasyndaǵy túsinistiktiń altyn kópiri bolý kerek», - deıdi Senat depýtaty.
Onyń paıymynsha, «AMANAT» partııasy Jańa Qazaqstannyń ekonomıkalyq tuǵyrnamasy nusqaıtyn baǵdarmen úndesip alǵa jylýy kerek.
«Ókinishke qaraı, 30 jyldyq tarıhymyzda ekonomıkalyq, áleýmettik, saıası damýymyzda eleýli jetistikterimiz bolýymen qatar, aıtarlyqtaı kemshilikter de boldy. Ony jasyrýdyń qajeti joq. Memleket basshysy buǵan deıingi Joldaýlarynda, halyqqa qaıyrylýynda bul týraly keńinen aıtty. Osy jibergen kemshilikterden durys qorytyndy shyǵaryp, damýdyń jańa, tıimdi, utymdy formattaryn tabýymyz kerek.
Ekonomıkamyzdyń aldynda turǵan eń negizgi maqsat – halyqtyń ál-aýqatyn, turmys jaǵdaıyn, tabysyn arttyrý. Jańa Qazaqstannyń ekonomıkalyq tuǵyrnamasy osyǵan kelip saıady. «AMANAT» partııasy da osy baǵdarmen úndesip alǵa jyljýy kerek dep esepteımin», - dedi Beıbit Isabaev.