«AMANAT» partııasy Qostanaı oblysynyń turǵyndaryna 312 tonna gýmanıtarlyq kómek jınady
Onda azyq-túlik, jyly kıim, jeke tazalyq quraldary, tósek-oryn, turmystyq tehnıka jáne qurylys materıaldary bar, dep habarlaıdy QazAqparat partııanyń baspasóz qyzmetine silteme jasap.
«Jastar Rýhy» jastar qanatynyń myńnan astam volonteri partııanyń aımaqtyq fılıaldary janyndaǵy gýmanıtarlyq kómek jınaý pýnktterinde jumys istep jatyr.
145 tonna júk Qostanaı oblysyna jóneltildi. Gýmanıtarlyq kómek tıelgen kólikterdi elordadaǵy jáne Aqmola, Atyraý, Aqtóbe, Soltústik Qazaqstan oblystaryndaǵy partııa músheleri jiberip úlgerdi. Almaty qalasynan júk kólikteri búgin túnde jolǵa shyǵady.
Aıta keteıik, «Jastar Rýhy» jastar qanatynyń múshelerinen quralǵan volonterlerdiń alǵashqy toptary zardap shekkenderge kómek kórsetý jáne qalpyna keltirý jumystaryna qatysý úshin Qostanaı oblysyna attandy.
Qazirgi ýaqytta volonterler partııa fılıaldary janynan ashylǵan gýmanıtarlyq kómek jınaý pýnktterinde jumysyn jalǵastyrýda.
