«Amanat» partııasy atyna zaty saı bolý úshin ne isteý kerek – sarapshy pikiri
«Búgin NurOtan partııasynyń kezekten tys sezi ótti. Partııa «Amanat» dep atalatyn boldy. Biraq ataýdan basqa da ózgerister tanystyryldy», - dedi Indıra Rystına.
⠀Sarapshynyń paıymy boıynsha, saıası alańnyń búgingi kúngi eń basty krıterıi – zaman talabyna saı qoǵam talaptaryn eskerý.
«Ár bir saıası ınstıtýt ózgeristerge beıim bolýy kerek. Ásirese halyq múddesin negizge alatyn saıası partııalar. Osy údeden shyǵýǵa tıis.
Saıası partııa teorııasy boıynsha, partııanyń syrtqy jáne ishki qyzmetteri bar. Іshki qyzmetteri partııanyń qurylymy men qarjylandyrylýyn qamtıdy. Al syrtqy qyzmeti halyqpen qarym-qatynas ornatyp, ol múddelerdi negizge ala otyryp, bılikke umtylýǵa baǵyttalǵan. Sondyqtan da kez kelgen saıası partııanyń basty kúshi – halyq. Partııanyń bar bolýy da halyqqa baılanysty. Halyqtyń muń-muqtajyn jetkizý partııanyń basty maqsaty bolýy kerek», -deıdi Qazaqstan strategııalyq zertteýler ınstıtýtynyń ǵylymı qyzmetkeri.
Sondaı-aq, ol partııanyń búgingi jıynynda halyq únin bılik ınstıýttaryna jetkizý qyzmetin birinshi kezektegi basym baǵyty etip belgilegenin atady.
Sarapshynyń oıynsha atalǵan mindetti iske asyrý úshin mynadaı tetikter qoldanylýy kerek:
keri baılanys jasaý quraldarynyń tıimdiligin arttyrý,
partııalyq qabyldaý alańdarynyń shet aımaqtarǵa shyǵýy,
qoǵamdaǵy ahýaldy baǵalaý úshin qurylǵan «Áleýmet» jobasy,
azamattardyń óz usynystaryn onlaın formatta baqylaı alýyna múmknidik týǵyzý.
«Partııanyń aýdıtorııasy keń, músheleri kóp, elektoraty bar. Partııa osy aýdıtorııanyń oıyn jınap, máselelerdi saralap, ókiletti kanaldary arqyly sheshýge baǵyttalǵan jumysty turaqty negizge qoıatyn bolsa, qoǵamdaǵy kóptegen qyzýy joǵary núktelerdi azaıta alady», - dedi Indıra Rystına.
