«Amanat» ókilderi áýeli kimniń amanatyn oryndaıtyndaryn túsinip alýy kerek – Ómiráli Jalaırı
«Keshe Prezıdent «Amanat» partııasynyń Májilis pen máslıhattardaǵy ókilderin depýttatyq saýaldarmen shektelmeı, belsendi áreket etýge úndedi. Sol kezde meniń esime ózimniń Almaty qalalyq partııa komıtetinde depýtat bolǵan kezim esime tústi. Bizdiń №70 okrýg deıtin sol kezdegi QazMÝ qalashyǵy jaqta jaýapty aımaǵymyz boldy. Sondaǵy máseleler sheshimin tappaı jatsa, qalalyq televıdenıeni shaqyryp, atqarýshy komıtet ókilderin sol jerge aldyryp, máseleni oqıǵa ornynda talqylaıtynbyz. Odan nátıje bolmasa, halyqtyń atynan atqarýshy komıtet basshylaryna kiretinbiz. Al qazir depýtattar saýal joldap qoıyp otyrady. Oǵan mınıstrler de jaýap joldap shekteledi. Odan eshqandaı paıda joq. Jalpaq tilmen aıtsaq, pysqyrmaıdy da. Zań boıynsha depýtattyq mandat olarǵa ár máseleniń túbine jetýge múmkindik beredi. Sony paıdalanbaı otyr. Prezıdenttiń belsendi bolyńyzdar degeni osy maǵynada aıtylyp otyr dep esepteımin», - deıdi ǵalym.
Onyń paıymynsha, depýtattardyń saılaýshylarmen kezdesýi formaldy qalypqa túsip alǵan. Áýeli osy turǵyda ózgeris qajet.
«Qazir depýtatymyz da, basqamyz da búkil jumysty qaǵaz júzinde isteıtin bolyp aldyq. Al eldiń ishine baryp, naqty problemany betpe-bet zertteý óte sırek kezdesedi. Mysaly ózi shyqqan aýylda ınternet joq deıik. Depýtat sondaı problemanyń bar ekenin birinshi óz aıaǵymen baryp, kóz jetkizýi kerek. Sodan keıin problema sheshilgenshe eldi mekenderdi ınternetpen qamtýǵa jaýapty «Qazaqtelekom» sııaqty monopolısterdiń tabaldyryǵyn tozdyrýy kerek.
Máslıhat depýtatttary da jergilikti ákimderdiń sheshimderin biraýyzdan maquldaý úshin qurylǵan ınstıtýt bolyp ketti. Jalpy olardyń quzyretin kóterý kerek. ıAǵnı, «Amanat» ókilderi áýeli kimniń amanatyn oryndaıtyndaryn túsinip alýy kerek. Qazir olar ákimderge tym kiriptar. Negizi máslıhat ákimderden esep alyp otyrýy kerek. Al bizde kerisinshe. Ol kiriptarlyqtan qutqarý úshin Májilistiń de, máslıhattardyń da 50 paıyz quramy majorıtarlyq júıemen saılanýy kerek. Áıtpese jergilikti ákimder óńsheń bas shulǵyp, maquldaǵysh adamdardy iriktep, bas kóterer belsendilerdiń bárin partııanyń mańaıyna jolatpaıdy. Tipti praımerızdiń ózi kóp jerde osyndaı qaǵıdatpen ótkenin ýaqyt kórsetip otyr», - deıdi zań ǵylymdarynyń doktory.
Zańger «Amanat» partııasy qoǵamnyń damýyna áser etetin qozǵaýshy kúshke aınalýy úshin zańdaǵy múmkindikterin el múddesine saı palanaýy qajet dep esepteıdi.
«Amanat» degen at alǵan partııa óz moıyndaryna úlken mindet júktep otyr negizi. Sony abyroımen atqarý úshin halyqtyń múddesine saı bolýy kerek. Ol úshin Májilis pen máslıhat quramynyń keminde jartysyn tikeleı halyq saılaýy kerek.
Máslıhattyń quzyretin kóterý kerek dedim ǵoı. Negizi zańda oǵan qajetti erejeniń bári bar. Tek is júzinde oryndalýy kerek. Mysaly, ótkende Almaty qalasyna jańa ákim taǵaıyndalǵan kezde Prezıdenttiń usynysyn qalalyq máslıhat depýttary biraýyzdan qoldady. Al halyqtyń ishinde qarsy bolǵandar bar ekenin kórdik. Tipti petıtsııa da jarııalady. ıAǵnı jergilikti máslıhat halyqtyń qalaýyn bilmeıdi nemese sanasqysy kelmeıdi. Áıtpese qalalyq máslıhat depýtattarynyń ishinen de ol kandıdatýrǵa halyq atynan narazylyq bildiretin bir adam shyǵýy kerek edi ǵoı. Olaı bolmady. Qaǵazda ádemi jazylǵan zańdar ómirde de ádemi qalpynda oryndalýy kerek. Sonda depýtattardyń, partııanyń jumysy nátıjeli bolady dep oılaımyn», - deıdi Ómiráli Jalaırı.
