«AMANAT medıa syılyǵy»: Jyldyń úzdik jýrnalıstik materıaldary anyqtalady
ASTANA. KAZINFORM — Buqaralyq aqparat quraldary qyzmetkerleri kúni qarsańynda «AMANAT» partııasy jýrnalısterge arnalǵan jyl saıynǵy respýblıkalyq baıqaýdyń bastalǵanyn habarlaıdy.
Aqparat salasy ókilderiniń áleýetin arttyrýǵa baǵyttalǵan ashyq konkýrs Memleket basshysy Qasym-Jomart Toqaevtyń reformalary, «Eńbek adamy», «Jumysshy mamandyqtary jyly», «Taza Qazaqstan», jastardyń qoǵamdaǵy róli jáne taǵy basqa negizgi taqyryptardy qamtıdy.
«AMANAT medıa syılyǵy» buqaralyq aqparat quraldarynyń janryna qaramastan, taqyryptyq baǵyttar boıynsha tabystalady.
Sonymen qatar «Alash amanaty», Sherhan Murtaza men Kamal Smaıylov atyndaǵy «Televızııa úzdigi» jáne belsendi azamattyq ustanym úshin arnaıy júldeler qarastyrylǵan.
— Ótinimder 23 mamyr men 17 maýsym aralyǵynda qabyldanady. Saltanatty marapattaý rásimi maýsym aıynyń sońynda, Buqaralyq aqparat quraldary qyzmetkerleri kúni qarsańynda ótedi. Jeńimpazdarǵa «AMANAT» medıa-premııasy, músinshe jáne aqshalaı syılyqtar tabystalady. Baıqaý jeńimpazdary eki baǵyt boıynsha on atalymda anyqtalady, — delingen habarlamada.
Taqyryptar boıynsha nomınatsııalar:
1) «Elimizdegi reformalar týraly úzdik materıal»
2) «Eńbek adamy týraly úzdik materıal»
3) «Jastar týraly úzdik materıal»
4) «Aımaq týraly úzdik materıal»
5) «Partııa jumysy týraly úzdik materıal»
6) «Taza Qazaqstan» — ekologııa men qorshaǵan ortany saqtaý týraly úzdik materıal»
7) «QR Konstıtýtsııasynyń 30 jyldyǵy týraly úzdik materıal»
Arnaıy syılyqtar:
1) Sherhan Murtaza jáne Qamal Smaıylov atyndaǵy «Televızııa úzdigi» syılyǵy
2) «Alash amanaty» syılyǵy
3) «Belsendi azamattyq ustanymy úshin» syılyǵy
Tolyǵyraq aqparatty amanatpartiasy.kz saıtynan qaraýǵa bolady. Baılanys telefondary: 8-76.70.7172-25, 8-76.70.7172-28. Elektrondyq poshta: media_premiya@amanatpartiasy.kz. Qońyraýlar jumys kúnderi, 09:00–den 13:00–ge deıin jáne 14:30–dan 18:30–ǵa deıin qabyldanady.
Buǵan deıin elordada bıznestiń áleýmettik jaýapkershiligi jóninde «Paryz» baıqaýy bastalǵanyn jazǵanbyz.