Amanat Májilis saılaýyna 119, al máslıhatqa 3821 kandıdat usyndy

ASTANA. QazAqparat – Amanat partııasy Májilis saılaýyna 119 kandıdat, máslıhattar saılaýyna 3821 kandıdat usynatyn boldy, dep habarlaıdy QazAqparat tilshisi.

«Búgin saıası keńes bıýrosynyń sheshimimen sezdińbektýine partııalyq tizimnen 90 adamnyń jáne bir mandattyq okrýgter boıynsha 29 adamnyń kandıdatýrasy usynylyp otyr. Osylaısha aldaǵy Parlament Májilisiniń saılaýyna qatysý úshin Amanat partııasynyń kezekten tys XXV sezinde bekitýge 119 kanıdat usynylady», - dedi partııanyń atóarýshy hatshysy Elnur Beısenbaev.

Sezd delegattary tizimge engen kandıdattardy maquldaý týraly biraýyzdan sheshim shyǵardy.

Al máslıhattar saılaýyna partııa atynan 3821 adamnyń kandıdatýrasy usynylyp otyr.

«Jańa ǵana biz úmitkerlerdiń tizimin bekittik. Amanat partııasy máslıhattarǵa 3821, al Májiliske 119 kandıdat usyndy. Mine olardyń bári osy jerde. Bárimiz mine ıyq tirestirip turmyz. Barlyq óńirdiń, barlyq salanyń ókilderi bar», - dedi partııa tóraǵasy Erlan Qoshanov.

Buǵan deıin burynǵy Oqý-aǵartý mınıstri Ashat Aımaǵambetov Amanat partııasynyń Májilis saılaýyna úmitkerler tizimine engenin habarlaǵan edik.