«Amanat» kásipodaqtar dostastyǵynan kandıdat talaptarǵa saı - QR OSK

ASTANA. QazAqparat – Ortalyq saılaý komıssııasy «Amanat» Qazaqstan kásipodaqtar dostastyǵy» respýblıkalyq birlestigi usynǵanyn Meıram Qajykenniń prezıdenttikke kandıdatýrasyn talaptarǵa saı dep sheshti. Bul týraly QR OSK tóraǵasy Nurlan Ábdirov komıssııanyń otyrysynda málim etti, dep habarlaıdy QazAqparat tilshisi.

Áýeli OSK múshesi Shahat Ótemisov atalǵan kadıdattyń lıngvıstıka komıssııasynyń 2022 jylǵy 8 qazandaǵy sheshimi boıynsha, memlekettik tildi erkin meńgergeni anyqtalǵanyn atap ótti.

«QR Prezıdenttigine kandıdat Meıram Zekeshuly Qajykenniń QR Konstıtýtsııasynda jáne Qazaqstan Respýblıkasyndaǵy Saılaý týraly QR Konstıtýtsııalyq Zańynda oǵan qoıylatyn talaptarǵa sáıkestigin anyqtaý týraly hattamaǵa qol qoıyldy. Osylaısha Ortalyq saılaý komıssııasy respýblıka prezıdenttigine kandıdat Meıram Zekshuly Qajykenniń Konstıtýtsııada jáne Qazaqstan Respýblıkasyndaǵy Saılaý týraly QR Konstıtýtsııalyq Zańynda oǵan qoıylatyn talaptarǵa sáıkes ekendigin anyqtady», - dedi OSK tóraǵasy N.Ábdirov.

Buǵan deıin OSK halyq koalıtsııasy usynǵan Qasym-Jomart Toqaevtyń QR prezıdenttigine kandıdatýrasyn barlyq talaptarǵa saı dep sheshken bolatyn.