«Amanat» halyqaralyq jýrnalyna - 10 jyl
ASTANA. Sáýirdiń 16-sy. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde Halyqaralyq «Abaı» klýby shyǵaratyn «Amanat» jýrnalynyń 10 jyldyǵyna arnalǵan saltanatty jıyn ótti,
dep habarlaıdy QazAqparat.
Jýrnal redaktory Rolan Seısenbaevtyń aıtýynsha, ol búginde 7,5 myń danamen búkil álemge taralady. Onda 60 eldiń belgili jazýshylary, fılosoftary men oıshyldardyń shyǵarmalary basylady. «Jýrnaldyń bıylǵy mereıtoılyq nómiri álem jazýshylarynyń áńgimelerine arnalyp otyr. Sondaı-aq oǵan Eýrazııa ulttyq ýnıversıtetinde bilim alyp júrgen jas jazýshylardyń shyǵarmalary endi», - deıdi R.Seısenbaev.
Aıta keteıik, sońǵy on jyldyń ishinde «Amanat» jýrnalynyń álemge tanymal basylym deńgeıine kóterildi. Jýrnal keńesiniń quramyna Oljas Súleımenov, Ábish Kekilbaev, Valentın Raspýtın, Danııl Granın, Kendzabýro Oe, Chen-ıAn, Rıchard Makkeın, Rozmarı Ýılkınson, Iýrgen Branshveıger, Tımýr Zýlfıkarov, Ada Aharonı, Petı Holoppa, Vıktor Baranov jáne taǵy basqa belgili aqyn-jazýshylar kiredi. Bul qazirgi kórkem ádebıetiniń mańyzdylyǵyn kórsetse kerek.
