«AMANAT» fraktsııasy 7 jyldyq prezıdenttik merzimdi engizý týraly bastamany qoldady
Іs-sharaǵa Qazaqstan halqy Assambleıasynyń depýtattary da shaqyryldy. Jıynǵa qatysýshylar aldaǵy saılaýda qaıta saılaý quqyǵynsyz jeti jyldyq prezıdenttik merzimdi engizý jáne elordaǵa Astana ataýyn qaıtarý týraly bastamany qoldady. Depýtattar osy reformalardyń progressıvti ekenin jáne olardyń ádiletti Qazaqstan qurý baǵytyna tolyq sáıkes keletinin atap ótti.
Otyrysty ashqan Erlan Qoshanov Memleket basshysy Konstıtýtsııalyq Keńestiń qaraýyna usynǵan 7 jyldyq merzimdi engizý jáne elordanyń atyn ózgertý jónindegi máseleler Májilistegi barlyq fraktsııa depýtattarynyń usynysy ekenine nazar aýdardy.
«Prezıdent mandatyn 7 jyldyq bir merzimmen shekteý – progressıvti ári qajetti norma. Bul bıliktiń bir qolǵa shoǵyrlanýyna tosqaýyl bolyp, sýperprezıdenttik basqarý júıesinen túbegeıli arylýǵa jol ashady. Atalǵanmásele el arasynda jan-jaqty talqylanýda. Biz osy saılaý júıesin bıyldan bastap engizýdi qoldaımyz», – dedi fraktsııa jetekshisi.
Sondaı-aq Erlan Qoshanov elordanyń ataýyn ózgertý týraly usynys Tuńǵysh Prezıdenttiń qazirgi Qazaqstannyń qurylýy jolyndaǵy eńbegin joqqa shyǵarmaıtynyn aıtyp, qoǵamnyń da pikiri eskerilgenine mán berdi.
Odan ári depýtattar usynylǵan reformalardy qoldap sóz sóıledi.
Májilistegi Qazaqstan halqy Assambleıasy depýtattyq tobynyń jetekshisi Saýytbek Abdrahmanov jańa normalardyń ýaqytyly engizilip jatqanyna nazar aýdaryp, Májilis bul máselede óziniń tarıhı jaýapkershiligin sezinip otyrǵanyn atap ótti.
«Qazaqstanda Prezıdenttiń keń ókilettikteri bar. Sondyqtan saılaý protsesinde joǵary laýazymdy tulǵanyń turaqty túrde aýysyp otyrýy Memleket basshysynyń qolynda bıliktiń shamadan tys shoǵyrlanýy men monopolııalanýynyń aldyn alýǵa múmkindik beredi», – dedi S.Abdrahmanov.
Al depýtat Elnur Beısenbaev Prezıdenttiń mandatyn qaıta saılaný quqyǵynsyz 7 jyldyq bir merzimmen shekteý engizýdiń mańyzdylyǵyn aıtty.
«Qaıta saılaný quqyǵynsyz bir rettik prezıdenttik merzimdi engizý saıası jańarý deýge bolady. Ol saılanǵan kandıdatqa halyq aldyndaǵy bergen ýádelerin tıimdi ári ýaqytyly oryndaýǵa septigin tıgizedi. Óıtkeni saılanǵan Prezıdenttiń ekinshi múmkindigi bolmaıdy. Aldaǵy 20 jyldyqta biz jańadan saılanǵan úsh Prezıdentti kóretin bolamyz», – dedi E.Beısenbaev
Sonymen qatar depýtat Konstıtýtsııaǵa bul túzetýler aldaǵy saılaýǵa deıin engizilse, osy joly Prezıdent atanatyn azamat jáne odan keıingi barlyq Memleket basshylary úshin Prezıdent saılaýyna qaıta qatysý múmkindigi zańmen shekteletinin atap ótti.
Depýtat ıÝrıı Jýlın prezıdenttiktiń bir merzimi týraly norma Qazaqstanda saıasatkerlerdiń jańa býyny paıda bolýyna yqpal etetinin jáne turǵyndardyń elordanyń atyn ózgertýden úlken úmit kútetinin aıtty.
«Depýtattardyń elordaǵa burynǵy ataýyn qaıtarý týraly bastamasy eń áýeli kóptegen azamattyń ótinishine negizdelip otyr. Biz búgin halyqtyń únine qulaq asyp, Prezıdentti qoldap, qoǵamnyń kúsh-jigerin ilgeri basý úshin jumyldyrýymyz kerek», – dedi ıÝrıı Jýlın.
Óz kezeginde, depýtat Vera Kım Qazaqstan 7 jyldyq prezıdenttik merzimdi engizetin álemdegi jalǵyz el emes ekenine nazar aýdardy.
«Álemde Prezıdentti bir ret saılaý tájirıbesi júz jyldan astam ýaqyt boıy jalǵasyp kele jatqan elder bar. Mysaly, Izraıl (7 jyl), Armenııa (7 jyl), Meksıka (6 jyl), Ońtústik Koreıa (5 jyl) elderinde osyndaı tájirıbeni kezdestirýge bolady. Frantsııada da bir rettik 7 jyldyq prezıdenttik merzimdi engizý múmkindigi talqylanyp jatyr. Bul tendentsııa álemde keń taralyp qana qoımaı, qanat jaıyp keledi degen sóz», – dedi depýtat.
Fraktsııa otyrysyn qorytyndylaǵan Erlan Qoshanov depýtattarǵa aqparattyq-túsindirý jumystaryn kúsheıtý jóninde birqatar tapsyrma berdi. Reformalardyń máni men mańyzyn barlyq qazaqstandyqqa jetkizý qajet ekenin atap ótti. Ol úshin áleýmettik jelilerdiń, BAQ-tyń múmkindikterin barynsha paıdalaný jáne halyqpen belsene kezdesý kerektigine nazar aýdardy.
