«Amanat» fılmi «Oskar» kınosyılyǵyna usynylady
ASTANA. QazAqparat - «Amanat» fılmi «Oskar» kınopremııasyna usynylady, dep jazady egemen.kz. Fılmniń rejısseri - Satybaldy Narymbetov.
Qazir «Amanatty» amerıkalyq kınosyılyqqa usyný úshin aǵylshyn tiline aýdarý jumystary júrip jatyr. Bul fılm - tarıhshy Ermuhan Bekmahanov týraly. Ol qazaqtyń sońǵy hany HІH ǵasyrda Qazaq handyǵyn otarshyldardan azat etý úshin ult-azattyq kúreske basshylyq jasaǵan Kenesary Qasymulyn zerttegen ǵalym. Osy zertteýiniń nátıjesinde ol «Qazaqstan HІH ǵasyrdyń 20-40-shy jyldarynda» degen eńbegin jazyp, Qazaqstanda alǵash ret tarıh ǵylymdarynyń doktory ataǵyn qorǵaǵan bolatyn.
«Amanattyń» tusaýkeseri byltyr Saıası qýǵyn-súrginge ushyraǵan adamdardy eske alý kúni ótti. Fılm resmı túrde kóktemde prokatqa shyǵady. Al naýryz aıynda ol amerıkalyq kınopremııaǵa usynylady.
