«Amanat bir ózińe jyrym-syrym» atty M.Maqataevty eske alý keshi ótti
ASTANA. Aqpannyń 20-sy. QazAqparat /Rızabek Núsipbek/ - Keshe Astana qalasyndaǵy «Turan» meıramhanasynda ómirin óleńge, óleńin máńgilik ómirge aınaldyrǵan Han Táńirdiń muzbalaǵy, dara talant Muqaǵalı Maqataevtyń rýhyna arnalǵan «Amanat bir ózińe jyrym-syrym» atty kesh ótti,
dep habarlaıdy QazAqparat.
Astana qalalyq tilderdi damytý basqarmasynyń uıymdastyrýymen ótkizilgen keshke, qala ákiminiń orynbasary A.Balaeva bastaǵan el aǵalary men qalalyq máslıhat depýtattary, sondaı-aq stýdent jastar men óner súıer qaýym qatysty.
Keshte aqynnyń óleńderi jatqa oqylyp, sózine jazylǵan ánder shyrqaldy. Kesh sońynda joǵary oqý oryndarynan arnaıy shaqyrylǵan shyǵarmashylyq toptar arasynda jarys ótti. Tórt túrli shart boıynsha baq synaǵan toptar arasynan, Ulttyq óner ýnıversıteti «Úzdik» top atansa, S.Seıfýllın atyndaǵy Qazaq agrotehnıkalyq ýnıversıtetiniń rektory, professor A. Bulashev «Úzdik basshy» retinde marapattaldy. Keshtegi «Eń úzdik óleń oqýshy» Qazaq agrotehnıkalyq ýnıversıtetiniń stýdentteri bolsa, «Úzdik ánshi» medıtsına akademııasynyń stýdentteri boldy. Sondaı-aq ulttyq óner ýnıversıtetiniń stýdentteri keshtegi «Eń úzdik bıshi» atandy. Jeńimpazdarǵa aqynnyń kitaby jáne dıplomdar tabys etildi. «Búgingi keshtiń basty maqsaty - kórermen men sahna ǵana bolmaı, Muqaǵalıdyń óleńderimen birge syrlasý, jastarǵa ulttyq tárbıe berý. Jyl saıyn synyp pen synyp arasynda, fakýltet pen fakýltet arasynda Muqańdaı aqyndarymyzdyń óleńderin jattatyp, jarys uıymdastyryp otyrsaq, odan artyq ulttyq tárbıeniń keregi joq», - deıdi Astana qalalyq tilderdi damytý basqarmasynyń bastyǵy Orazgúl Asanǵazy.
