AMANAT atynan saılanǵan máslıhat depýtattary jumysyn jalǵastyrady
ASTANA. KAZINFORM – «Ádilet» partııasynyń Saıası keńes bıýrosynyń múshesi Raýan Kenjehanuly «AMANAT» partııasynyń «Ádiletke» qosylýy týraly saıası sheshim qabyldanǵanymen, ony zańdyq turǵydan rásimdeý belgili bir ýaqytty qajet etetinin aıtty.
Onyń sózinshe, bir iri saıası partııanyń ekinshisine qosylýy bir kúnde aıaqtalatyn protsess emes.
— Aldymyzda aýqymdy zańdyq, ákimshilik, sharýashylyq jáne uıymdastyrýshylyq jumystar tur. Sondyqtan AMANAT partııasy zańdy tulǵa retinde belgili bir ýaqyt ómir súre beredi. Osy kezeńde barlyq qajetti rásim júrgiziledi, — dedi Raýan Kenjehanuly.
Sondaı-aq ol birigý rásimi aıaqtalǵanǵa deıin AMANAT atynan saılanǵan máslıhat depýtattary óz qyzmetin zańdy negizde jalǵastyra beretinin atap ótti.
— Búgin AMANAT partııasynyń «Ádilet» partııasyna qosylýy týraly saıası sheshim qabyldandy. Alaıda bul úderisti zańdyq turǵydan rásimdeý belgili bir ýaqyt alady. Osy ýaqyt aralyǵynda AMANAT atynan saılanǵan depýtattar tolyqtaı legıtımdi bolyp qala beredi, — dedi ol.
Raýan Kenjehanulynyń pikirinshe, birigý rásimin shamamen bes-alty aı ishinde aıaqtaýǵa bolady.
— Bul protsess bir-eki jylǵa sozylady dep oılamaımyn. Bizdiń mindetimiz — ony bes-alty aıdyń ishinde aıaqtaý, — dedi saıasatker.
Aıta ketelik «Ádilet» partııasy óńirlik jumysty kúsheıtpek.
