Aman Tóleev Kýzbassta bolǵan tótenshe oqıǵa boıynsha izdeý-qutqarý shtabyn basqardy
ASTANA. QazAqparat - Reseıdiń Kemerov oblysynda sársenbige qaraǵan túni razrezde taý-ken úıindisi qulap, úsh kenshi onyń astynda qaldy, dep habarlady RIA Novostı.
Budan buryn TJM óńirlik basshysy úıindi astynda mashınısterimen eki ekskavator men bir býldozer qalǵanyn habarlaǵan.
«9 jeltoqsanda saǵat 2-de oryn alǵan apat saldarynan eki ekskavator men bir býldozer úıindi astynda qaldy. Úsh kenshi izdestirilip jatyr. Oblystyq izdeý-qutqarý shtabyn gýbernator Aman Tóleev basqarady», - delingen ákimshilik habarlamasynda. Bul shahta «Chernıgovets» kompanııasyna tıesili - ol «SDS-Ýgol» kompanııasynyń quramyna kiredi, Kemerov oblysynyń soltústiginde ken ornyn ıgerýmen aınalysady.
