Aman Tóleev Kýzbass basshysy saılaýynda rekord ornatty
ASTANA. QazAqparat - 1997 jylǵy shildeden bastap RF Kemerov oblysynyń basshysy bolyp kelgen 71 jastaǵy Aman Tóleev óziniń saılaýdaǵy rekordyn jańartty.
Kemerovo oblysy saılaý komıssııasynyń derekterine sáıkes ótken jeksenbide gýbernatorlyq saılaýda ol 1,7 mln daýys jınady, bul daýys berýge qatysýshylardyń 96,79 paıyzy. Sondaı-aq ótken eki gýbernatorlyq saılaýǵa qaraǵanda edáýir joǵary, dep habarlady kommersant.ru.
1997 jyly Aman Tóleevti saılaýshylar qoldaýy 94,5 paıyzdy, 2001 jyly 93,5 paıyzdy quraǵan. Bul gýbernatorlyq merzim ol úshin besinshisi, úsh ret saılaý arqyly, eki ret prezıdenttik taǵaıyndaýmen boldy. 13 qyrkúıektegi saılaýda ekinshi oryndy 1,72% daýyspen RLDP-dan kandıdat Alekseı Dıdenko aldy, úshinshini 0,51% daýyspen RFKP-dan kandıdat Vıktor Shalmanov, «Spravedlıvaıa Rossııa»-dan kandıdat Vladımır Volchek 0,35%, «Patrıoty Rossıı» úmitkeri ıÝrıı Skvortsov 0,3% daýys jınady.
Foto: Dmıtrıı Azarov
