Aman-saýmyn – Djekı Chan koronavırýs juqtyrǵanyn teriske shyǵardy

NUR-SULTAN. QazAqparat – Álemge tanymal akter Djekı Chan koronavırýs ınfektsııasyn juqtyrǵany jaıly aqparatty joqqa shyǵaryp, jankúıerlerine úndeý tastady, dep habarlaıdy QazAqparat tilshisi.

«Qamqorlyqtaryńyz úshin barshańyzǵa raqmet! Men aman-saýmyn, densaýlyǵym jaqsy. Ótinemin, ýaıymdamańyzdar. Karantınde de emespin. Bári de qaýipsiz ári deni saý kúıde bolar degen senimdemin», - dep jazdy Djekı Chan Instagram-paraqshasynda.

Aıta ketsek birqatar BAQ-ta akter koronavırýs juqtyrǵany jaıly aqparat shyqqan edi. Sonyń ishinde sheteldik tilshiler Djekı Channyń Gonkongtegi keshinen keıin karantınge jatqyzylǵanyn jazdy.