Aman Imandosov «Ýral Oıl end Gaz» JShS bas dırektory bolyp taǵaıyndaldy
ASTANA. KAZINFORM - Ural Group Limited kompanııasynyń dırektorlar Keńesiniń sheshimimen «Ýral Oıl end Gaz» JShS Bas dırektory bolyp Aman Ǵalymjanuly Imandosov taǵaıyndaldy. Bul týraly «QazMunaıGaz» UK AQ habarlady.
Buǵan deıin A.Imandosov «Qazaqoıl Aqtóbe» JShS bas dırektorynyń óndiris jónindegi orynbasary qyzmetin atqarǵan. Bilimi – joǵary.
2001 jyly S.Ótebaev atyndaǵy Atyraý munaı jáne gaz ınstıtýtyn «Munaı jáne gaz geologııasy» mamandyǵy boıynsha jáne 2013 jyly I.M.Gýbkın atyndaǵy Reseı memlekettik munaı jáne gaz ýnıversıtetin «Munaı-gaz bıznesin basqarý» mamandyǵy boıynsha úzdik bitirgen.
Eńbek jolyn 2001 jyly «Embimunaıgaz» AQ bastaǵan, odan keıin «Mańǵystaýmunaıgaz» AQ, «QazMunaıGaz» UK AQ jáne «Qazaqoıl Aqtóbe» JShS ár túrli qyzmetter atqarǵan.
