Aman Baqytjan Grand Slam jarysynda qola aldy

ASTANA. KAZINFORM - Qazaqstandyq dzıýdoshy Aman Baqytjan (60 keli) Frantsııa astanasy Parıjde ótip jatqan álemdik Grand Slam jarysynda úzdik úshtikten kórindi. 

Ol jubanyş fınalynda kýbalyq Djonatan Charondy ıýko upaıymen jeńdi.

Otandasymyz jarys barysynda barlyǵy 5 kezdesýdiń 4-de jeńiske jetti. Óz tobynan úzdik shyǵyp, jartylaı fınalǵa deıin jetti. Alaıda otandasymyz jartylaı fınalda Dılshot Halmatovqa (Ýkraına) ese jiberdi. Al irikteý kezeńinde ol Zakarı Dıjoldi (Frantsııa), Mıshel Aýgýstony (Brazılııa), Devıd Starkeldi (Slovenııa) tize búktirdi.

Bedeldi básekede búgin el quramasynan 60 kelide Sherzod Davlatov, 66 kelide Ǵusman Qyrǵyzbaev pen Baýyrjan Narbaev, 73 kelide Eset Qýanov pen Dastan Shaıahmetov jarys jolyn erte aıaqtady.

Aıta ketsek, Parıjde ótip jatqan jańa sport maýsymynyń alǵashqy álemdik reıtıngtik týrnırine 78 elden 488 dzıýdoshy qatysyp jatyr.

Sondaı-aq el quramasynan 8 aqpanda 81 kelide Abylaıhan Jubanazar men Ádilet Almat, 90 kelide Aıdar Arapov, 100 kelide Marat Baıkamýrov pen Nurlyhan Sharhan, 100 keliden joǵary salmaqta Ǵalymjan Qyryqbaı tatamıge shyǵady.

Álemdik dodaǵa 82 elden 529 dzıýdoshy qatysady dep josparlanǵan.

Atalǵan týrnır 7-8 aqpan aralyǵynda ótedi.

Buǵan deıin Grand Slam týrnırinde qazaqstandyq balýandar 7 aqpanda kimdermen beldesetinin jazǵan edik.