Amal: Mańǵystaýdaǵy Otpan taýda «Birlik oty» jaǵyldy
AQTAÝ. KAZINFORM - Mańǵystaýdaǵy Otpan taýda «Birlik otyn» jaǵý rásimi ótti.
«Adaı ata — Otpan taýda» merekelik is-sharalar bastalyp, «Amal — alashqa ortaq mereke» sharasyna elimizdiń ózge óńirlerinen bólek Ózbekstan, Túrkııadan meımandar kelip qatysyp jatyr.
«Adaı ata — Otpan taý» rýhanı-tarıhı mádenı kesheni aýmaǵynda elýge jýyq kıiz úı tigilip, saltanatty túrde merekelik sharalar jalǵasyn tapty. Sondaı-aq, ulttyq sporttyq oıyndar uıymdastyrylyp, «Aqsaraı» mýzeı keshenimen tanysý, «Qarashańyraq» alańynda QR Halyq ártisi Roza Rymbaevanyń kontsertimen jalǵasyn tapty.
Birlik otyn jaǵý rásimi ótip, erteń alaý Qosaı ata urpaqtaryna tabystalady.
«Otpan taýda dástúrli mereke jalǵasyn taýyp keledi. Bul sharada úsh júzdiń basy qosylady. Bıyl buǵan Muńal ata urpaqtary jaýapty bolǵan edi. Kúndiz sport oıyndarynan bastalǵan jarystardyń sońy merekege ulasyp otyr. Birlik oty jaǵylǵan soń 14 naýryzda Amal merekesi bastaý alady. Kópshiliktiń qatysýymen ótetin mereke eldiń birligin nyǵaıtýǵa baǵyttalǵan», — dedi uıymdastyrý jumystaryna jaýapty Jarmaǵambet Aıtýarov.
