Aljırdegi ushaq apaty: 257 adam qaza tapty
ASTANA. QazAqparat - Aljırde Il-76TD áskerı-kólik ushaǵynyń apatqa ushyraýy saldarynan 257 adam qaza tapty. Mundaı naqty derekti Aljır memlekettik telearnasy taratty, dep habarlaıdy TASS.
Budan buryn Aljır azamattyq qorǵanys basqarmasy áýe apatynan 181 adamnyń mert bolǵanyn habarlaǵan edi.
Eldiń ońtústik-batysyndaǵy Býfarık - Tındýf - Beshar marshrýty boıynsha baǵyt alǵan Aljır QK ushaǵy el astanasy - Aljırden ońtústikke qaraı 50 shaqyrym qashyqtyqta ornalasqan Býfarıktegi áskerı baza áýe aılaǵynan ushqannan keıin birneshe mınýt ótken soń qulaǵan. Ushaq aýylsharýashylyq egistigine qulaǵannan keıin janyp ketken.
Aljır ulttyq qorǵanys mınıstrligi kólik ushaǵynyń qulaǵanyn resmı rastady. Oqıǵanyń mán-jaıy anyqtalyp jatyr.
Foto: vk-smi.ru
