Aljırde protestanttyq mıssıoner balalar saýdasymen aınalysyp kelgen
ASTANA. 23 aqpan. QazAqparat - Aljırdiń Іshki ister mınıstrligi amerıkalyq mıssıonerlik qaýymnyń Tamanrasset provıntsııasy aýmaǵyndaǵy qyzmetine tyıym saldy. Quzyrly oryndar mıssıonerlerdiń bosqyn-balalardy satý qylmysyna qatysty bar dep kúdiktenip otyr, dep habarlaıdy muslim.kz saıty.
«Habar» gazetinde jazylǵan derekke qaraǵanda, Іshki ister mınıstrligi Aljırdiń ońtústik provıntsııasy gýbernatorynan osy eldiń turǵyndary men Malılik bosqyndarǵa óz ilimin nasıhattaıtyn sheteldik hrıstıan qaýymynyń qyzmetin tekserýdi talap etti.
Belgili bolǵandaı, mıssıonerler bala asyrap alǵysy keletin sheteldikterge qyzmet kórsetetin áldebir halyqaralyq uıymǵa balalardy satyp kelgen.
Kem degende 20 bala osy qylmystyń qurbany bolǵan. Olardyń eń úlkeni alty jasta. Áli býyny bekip, buǵanasy qatpaǵan balalar Aljırden zańsyz jolmen áketilgen. Týnıske jetkizilgen soń, Eýropa men Amerıkaǵa asyrǵan. Bul jaıynda «IUMS Online» habar taratty.
Aljırlik basylymnyń málimetine qaraǵanda, bosqyndar óz balasyn 1000 eýroǵa satqan.
AQSh-tyń qoldaýymen mıssıonerlerdiń múddesine jumys isteıtin Afrıkadaǵy uıymdardyń tutas bir jelisi osy qylmysqa qatysy bar dep tanyldy. Ótken jyly bul tuzaqqa malılik bosqyndar túsken bolatyn. Olardyń balalary shoqyndyrylyp, batys elderine attandyrylǵan edi.
Tergeý-tekserý kezinde balalardy shetel asyrýmen eki adamnyń aınalysqany belgili boldy. Olardyń bireýi - tegi marokkalyq Gollandııa azamaty.
Osy qylmysqa baılanysty Aljır ІІM malılik bosqyndarǵa kómek usynǵan «West Assembly» mıssıonerlik uıymnyń ótinishin qanaǵattandyrmady. Shtab-páteri Bostonda ornalasqan atalmysh uıym Afrıka jáne Azııa elderinde protestanttyqty belsendi túrde nasıhattap keledi.
