Aljırde orman órtinen 34 adam qaza tapty

ALJIR. ANADOLY – QazAqparat – Aljırde orman órtinen qaza tapqandar sany 34-ke jetti. Bul týraly eldiń ishki ister mınıstrligi málim etti, dep habarlaıdy QazAqparat Anadoly agenttigine silteme jasap.

Tabıǵı apat eldiń 11 aımaǵyn sharpydy. Buǵan deıin 10 áskerı qyzmetkerdi qosqanda, 25 adamnyń zardap shekkeni habarlanǵan bolatyn. Vedomstvo órt oshaqtaryn joıýǵa avıatsııa kúshi qoldanylatynyn aıtty. Aljırdiń soltústiginde órship turǵan dala órtterimen kúresý 48 gradýstan asatyn aptap ystyqqa baılanysty qıyndap tur. Aljır bıligi el aýmaǵynda qaýiptiń eń joǵary deńgeıin jarııalady.