Aljırde qatarynan eki jarylystyń saldarynan 36 adam qaza tapty
ASTANA. 27 tamyz. QazAqparat - Eki jankeshti 26 tamyz, juma kúni Aljır astanasynan batysqa qaraı 100 shaqyrymdaı qashyqtyqta jatqan Shershel qalasynyń áskerı kazarmasyna shabýyl jasady.
Jergilikti qaýipsizdik qyzmetiniń qyzmetkerlerine silteme jasap Reuters agenttigi habarlaǵanyndaı, jarylystyń saldarynan 36 adam qaza tapqan. Onyń 12-si áskerı qyzmetker.
Jankeshtiler qasıetti Ramazan aıynyń juma namazynan keıin kazarmaǵa kire beriste ózderin ózderi jaryp jibergen, dep jazady Lenta.rý.
Associated Press agenttiginiń naqtylaýynsha, lańkestik oqıǵasy Shersheldegi áskerı akademııada oryn alyp, sońǵy málimetter boıynsha, jarylǵysh zat qoıylǵan mashınany jankeshti basqaryp jaryp jibergen kórinedi.
