Aljırde eń bıik meshit munarasy salynady
ASTANA. QazAqparat - Kelesi jyly Aljır astanasynda munarasynyń bıiktigi 265 metr bolatyn Djama ál-Djazaır meshiti salynady, dep habarlaıdy Ýtro.rý.
El bıligi meshitti «ekstremızmniń kez kelgen formalaryna qarsy qalqan» dep atady.
Munaranyń salý ıdeıasy Aljırdiń sonaý 1962 jyly táýelsizdigin alý kezinde týyndaǵan.
Meshitte 120 myń adam syıyna alady. Onda ıslam mektebi, ıslam óneri men tarıh murajaıy, sondaı-aq mıllıon kitap saqtalatyn kitap qoımasy ornalasady. Qurylysqa 1,4 mıllıard dollar jumsalmaq.
Qazirgi kezde eń bıik meshit munarasy bolyp Marokkanyń Kasablanka qalasyndaǵy ІІ Hasan atyndaǵy meshit munarasy sanalady. Onyń bıiktigi - 210 metr.
