Aljırde eki avtobýs soqtyǵysyp, 12 adam mert boldy
NUR-SULTAN. QazAqparat – Jeksenbi kúni Aljırdiń ońtústiginde eki jolaýshylar avtobýsynyń soqtyǵysýy saldarynan 12 adam qaza tapty. Bul týraly QazAqparat Mosaique FM radıostantsııasyna silteme jasap habarlaıdy.
Oqıǵa tańsáride El-Ýed provıntsııasyndaǵy Satyl qalashyǵynyń mańynda bolǵan. Azamattyq qorǵanys qyzmeti ókilderiniń aldyn ala málimetteri boıynsha jol apaty saldarynan 46 jolaýshy jaraqat alǵan. Olar jergilikti medıtsınalyq mekemelerge jetkizildi.
Qoǵamdyq kólikter soqtyǵysýynyń sebep-saldaryn oqıǵa ornyna kelgen aljırlik prokýratýranyń tergeýshileri anyqtaıtyn bolady.
Foto: Twitter / Nadjim Ndjemo
