Aljırde berberler men arabtar arasyndaǵy qaqtyǵystan 8 adam mert boldy
ASTANA. QazAqparat - Aljırde arabtar men berberler arasynda qaqtyǵys bolyp, 8 adam qaza tapty, 30 adam jaralandy, dep habarlady «VVS» agenttigi.
Polıtsııanyń habarlaýynsha, qaqtyǵys Gardaıa qalasynda oryn alǵan. Tóbeles kezinde kólikter órtelip, úılerge zaqym keltirilgen.
Sońǵy jyldary arabtar men berberler arasynda jumys oryndary bar aýmaqqa baqylaý júrgizýge talas kúsheıip barady. Bul joly arabtar eski berber hramyna tıisken.
