Aljırde áskerı tikushaq apatqa ushyrady, 4 adam jaralandy
ASTANA. QazAqparat - Aljırdiń ońtústiginde Zarzaıtaın áýejaıynyń mańynda áskerı tikushaq apatqa ushyrady, 4 sarbaz jaralandy, dep habarlady RBK Reuters agenttigine silteme jasap.
Zardap shekken eki adam eleýli jaraqat alyp, aýrýhanaǵa jetkizildi. Reseıde jasalǵan Mı-24 tikushaǵy ushyp shyqqannan keıin shuǵyl qaıtadan qonbaqshy bolǵan. Alaıda borttaǵy aqaý saldarynan órt shyqqan. Bul - áskerı tikushaq apatqa ushyraǵan bir aı ishindegi ekinshi oqıǵa. Aqpan aıynyń basynda Aljırdiń shyǵysynda áskerılerdi jáne olardyń otbasylaryn tasymaldaǵan S-130 Hercules ushaǵy qulaǵan bolatyn. Avıapat saldarynan 77 adam qazaǵa ushyrap, 1 bir adam eleýli jaraqat alǵan edi.
