Aljırde 5,6 magnıtýdaly jer silkinisinen 20 adam jaraqattandy
ASTANA. QazAqparat - Juma kúni tańerteń Aljır astanasy mańyndaǵy jerde 5,6 magnıtýdaly jer qozǵalysynan 20 adam jeńil jaraqat aldy. Qaýipsizdik organdaryndaǵy aqparat kózi aıtqandaı, adam shyǵyny joq, dep habarlady ITAR-TASS.
Zilzala ortalyǵy, seısmologtardyń paıymynsha, Bologın oramynan soltústik-shyǵystaǵy 19 shaqyrym jerdegi teńizde bolǵan. Jer silkinisi týraly habar Aljır turǵyndarynyń basym bóligin alańdatty.
Zilzala ákelgen shyǵyndy anyqtaý úshin azamattyq qorǵanys kúshteriniń otrıadtary qala aýdandaryn qosymsha tekserýge kiristi.
Jer qozǵalysyna baılanysty Aljır ІІM daǵdarystyq shtab qurdy. Ony Taıeb Belaız basqarmaq.
