Aljırde 30-dan astam sheteldik tutqyn óltirildi
ASTANA. 18 qańtar. QazAqparat - Aljırdiń ońtústik-shyǵysynda sársenbi kúni tańerteń lańkester munaıshylar kentine shabýyl jasady,
soǵan baılanysty júrgizilgen arnaıy operatsııa kezinde kem degende 34 sheteldik tutqyn jáne shamamen 15 sodyr óltirildi. Bul týraly Agence France-Presse habarlady. Qaza bolǵandardyń sany týraly ázirge resmı aqparat joq.
Qarýlanǵan birneshe ondaǵan sodyrlar 40-qa jýyq sheteldikti, sondaı-aq júzdegen aljırlyqty tutqynǵa aldy. Olar - Frantsııa, Ulybrıtanııa, AQSh, Norvegııa, Avstrııa, Germanııa, Irlandııa, Rýmynııa, Kolýmbııa, Japonııa, Ońtústik Koreıa, Fılıppın, Malaızııa, Taıland jáne basqa da elderdiń azamattary.
BBC News habarlaǵandaı, lańkester birneshe talap qoıyp otyr, olardyń biri - kórshiles Malı memleketindegi ıslamdyq kóterilisshilerge qarsy frantsýzdyq áskerı ınterventsııany toqtatý.
Aljır bıligi qylmyskerlermen kelissózder júrgizýden bas tartty. Turǵyn úıge avıasoqqy jasaý sheshimi qabyldandy, sonyń saldarynan tutqynda bolǵandar qaza boldy. Qazirgi ýaqytta nysanda jerústi arnaıy operatsııa bastaldy.
Sońǵy málimetter boıynsha, armııalyq bólimsheler 600 aljırlyq-tutqyndy jáne birneshe sheteldikti bosatyp úlgerdi. Keıbir tutqyndar ózderi qashyp qutyldy.
