Aljırdaǵy perzenthanadan órt shyǵyp, 8 sábı kóz jumdy
NUR-SULTAN. QazAqparat – Aljırde sársenbi kúni aýrýhananyń jańa týǵan sábılerge arnalǵan palatasy órtke oranyp, 8 sábı kóz jumdy, dep habarlaıdy QazA qparat CNN-ǵa silteme jasap.
Ennahar jeke televızııa arnasynyń málimetinshe, órt shyǵystaǵy El-Ýed (El-Oued) provıntsııasynyń Al-Um Bashir bin Nasser Hospital aýrýhanasynan shyqqan. Sábılerdiń máıiti túgeldeı órtenip ketti. Bul olardy tanýda qıyndyq týdyryp otyr.
Halyqty qorǵaý máselesi jónindegi dırektorattyń málimetinshe, jańa týǵan sábıler kúıik shalyp, tútinge ýlanǵannan kóz jumǵan.
11 sábı, 37 áıel men 28 qyzmetker qutqaryldy. Órt jergilikti ýaqyt boıynsha 3:52-de shyqqan. Oqıǵa ornyna ondaǵan órt sóndirýshi keldi.
Aljırdiń densaýlyq saqtaý mınıstri órttiń sebepterin shuǵyl túrde tergeýdi talap etip otyr. Aldyn ala málimetterge sáıkes, órtke elektr symdarynyń qysqa tuıyqtalýy sebep bolǵan.
Kóz jumǵan balalardyń otbasylary aýrýhana ǵımaratynyń aldyna jınalyp, oqıǵany tergeýdi talap etýde.
