ALJIR tutqyndarynyń mıgratsııalyq kartasy ázirlendi
«Qazaqstan Táýelsizdiginiń 30 jyldyǵy qarsańynda úlken jumystar atqarylyp jatyr. Ásirese, qýǵyn-súrgin, asharshylyq taqyryby boıynsha kóptegen zertteýler júrgizilip, Saıası qýǵyn-súrgin qurbandaryn tolyq aqtaý jóninde memlekettik komıssııa quryldy. Onyń keńseleri ár óńirlerde, ár memlekettik organdarda jáne bizdiń ýnıversıtet qabyrǵasynda da ashyldy. Eń bastysy –óskeleń urpaqqa Táýelsizdikke qol jetkizý ońaı bolmaǵanyn, halyqtyń qandaı qıyn joldardan ótkenin jetkizý kerek. Ásirese HHІ ǵasyrda aqparat zamanynda ınternet-resýrstar jastarǵa úlken yqpal ete bastady. Osyǵan da kóńil bólý kerek», - dedi Halıl Maslov QR Aqparat jáne qoǵamdyq damý mınıstri Aıda Balaevanyń jas tarıhshylarmen kezdesýinde.
Jas zertteýshi Aqparat mınıstrliginen arhıvtik qujattardy zertteýge kóńil bóletin arnaıy jobalar jasaýǵa kómek surady.
«Qýǵyn-súrgin qurbandaryn tolyq aqtaý jónindegi komıssııanyń 10 toby qurylǵan edi. Onyń 8-toby «Qazaqstan aýmaǵyndaǵy NKVD GÝLAG lagerlerinde bolǵan qurbandar men zardap shekkenderdi, olardyń otbasy múshelerin aqtaý jónindegi jumys toby» dep ataldy. N.P.Kalashnıkovanyń jetekshiligimen arhıv materıaldaryn zertteý nátıjesinde Qaraǵandy ýnıversıtetiniń ǵalymdary, mýzeı qyzmetkerleriniń kómegimen Qazaqstandaǵy lagerlerdiń ornalasqan aımaǵy men sandyq málimetteri týraly tyń derekter jınaqtalǵan kartany qurastyrdy. Sol kartany búgin ALJIR murajaıyna tabystaýǵa ruqsat etińizder. Murajaı qonaqtary men bul taqyryp aıasynda izdenis zertteý júrgizip jatqan jas mamandarymyzǵa, magıstranttar men doktoranttarǵa kórneki qural retinde qoldanýǵa úlken kómek bolady degen úmittemiz», - dedi Halıl Maslov.
