ALJIR tutqyndaryna qurmet: Izraıl elshiligi memorıaldy taqta ornatty
KÓKShETAÝ. QazAqparat - Aqmola oblysynyń Tselınograd aýdanyndaǵy "ALJIR" mýzeı-memorıaldyq kesheni aýmaǵynda 1938-1953 jyldary tutqynda jazasyn ótegen evreı ulty əıelderiniń qurmetine memorıaldy taqta qoıyldy, dep habarlaıdy QazAqparat tilshisi.
Shara elimizde jyl saıyn 31 mamyrda atalyp ótetin saıası qýǵyn-súrgin qurbandaryn eske alý kúni qarsańynda júzege asyryldy.
"ALJIR memorıalynda sottalǵan ər ulttyń áıelderine belgi qoıylǵan bolsa, onyń ishinde evreı əıelderi joq. ALJIR-de 855 evreı əıeli jazasyn ótedi. Sol sebepti, men Izraıl elshisine hat jazyp, osy málimetterdi jetkizdim. Ol birden «kóktemde eskertkish ornatamyz» dedi. Men osy jańalyqty Izraıldiń buqaralyq aqparat quraldarynda taratý úshin Qazaqstanǵa arnaıy kelip otyrmyn", - deıdi kınorejısser, jýrnalıst Sergeı Shafır.
"Biz osy taqtany ashý arqyly ALJIR-de zańsyz sottalǵandarǵa qatysty tarıhı ədildikke qol jetkizemiz. Birinshi ret ədildik Stalınniń jeke basyna tabynýshylyq áshkerelengennen keıin saıası qýǵyn-súrginge ushyraǵan erler men olardyń əıelderi aqtalǵan kezde bolsa, ekinshi ret QR Prezıdenti Nursultan Nazarbaevtyń bastamasymen memorıaldyq keshenniń ashylýynda ornady", dep atap ótti Qazaqstan Respýblıkasyndaǵy Izraıldiń Tótenshe jəne ókiletti elshisi Mıhael Brodskıı.
Sharaǵa "ALJIR" mýzeı-memorıaldyq kesheniniń dırektory Samat Tergembaev jəne Astanadaǵy bas ravvın Shmýel Karnaýh qatysty.
Memorıaldyq taqta ótken ǵasyrdyń 30-50 jyldaryndaǵy qaıǵyly kúnderdi eske alýǵa arnalǵan. Ər jyldary «Otanyn satqandardyń» əıelderine arnalǵan Aqmola lageri atalatyn "№26 lagpýnkte" 855 evreı áıeli boldy, olar tutqyndardyń 16 paıyzyn qurady. Jalpy, murajaı muraǵattarynda ALJIR-de tutqynda bolǵan 62 ulttyń əıelderiniń esimderi jazylǵan.
