Aljır prezıdenti jańa úkimet quramyn bekitti

ASTANA. KAZINFORM — Premer-mınıstr Sıfı Grıb basqaratyn kabınetke 10 jańa mınıstr kirdi, dep habarlaıdy TASS.

Aljır prezıdenti Abdelmadjıd Tebbýn eldiń jańa úkimet quramyn bekitti. Memleket basshysynyń resmı ókili habarlaǵandaı, premer-mınıstr Sıfı Grıb basqaratyn kabınetke 10 jańa mınıstr kirdi.

— Jeksenbi kúni respýblıka prezıdenti Abdelmadjıd Tebbýn premer-mınıstr Sıfı Grıb basqaratyn jańa úkimet múshelerin taǵaıyndady, — delingen Algeria Press Service agenttigi taratqan málimdemede.

14 qyrkúıekte agenttik Tebbýnnyń premer-mınıstr qyzmetin atqarýshy Grıbti jańa úkimetti qurýǵa mindettep, ony tolyqqandy premer-mınıstr laýazymyna taǵaıyndaǵanyn habarlaǵan bolatyn. Jarııalanǵan tizimge sáıkes, jańa úkimet quramyna 10 mınıstr kirdi.

Ónerkásip mınıstri qyzmetin atqarǵan Grıb 28 tamyzda eldiń premer-mınıstri qyzmetin atqarýshy bolyp taǵaıyndalyp, bul qyzmette Nadır Arabıdi aýystyrǵan edi.

Aıta ketelik Memleket basshysy Aljır Prezıdenti men otandastaryn Táýelsizdik kúnimen quttyqtaǵan edi.