Aljır OPEK elderin munaı óndirýdi qysqartý jónindegi kelisimdi uzartýǵa shaqyrdy

ASTANA. QazAqparat - Aljırdiń Energetıka mınıstri Nýreddın Býttarfa OPEK uıymy men oǵan múshe emes elder arasynda jasalǵan munaı óndirý kólemin qysqartý jónindegi kelisimniń merzimi bitken soń ony taǵy 3-4 aıǵa sozýǵa shaqyrdy. Bul týraly ol óziniń Facebook paraqshasynda jazdy, dep habarlaıdy TASS.

«Aljır ókilderi kelisimniń taǵy 3 nemese 4 aıǵa sozylýy munaı naryǵyn turaqtandyrýǵa ıgi yqpal etedi degen pikirde»,-dep jazdy ol paraqshada.

Mınıstrdiń ózi osy kezde RF Energetıka mınıstri Aleksandr Novak pen onyń munaıdy monıtorıngileý jónindegi komıtetke kiretin ózge memleketterdegi (Kýveıt, Venesýela, Oman) áriptesterimen birge qatysyp jatty.

Májilis 26 mamyr kúni ótedi. Onda mınıstrler munaı óndirýdiń qarqynyna qatysty máselelerdi talqylaıdy. OPEK pen oǵan rezıdent emes elder 2017 jyldyń 1 qańtarynan beri munaı óndirý kólemin táýligine 1,8 mln barrelge jetkizýdi kózdep otyr. Kelisimniń merzimi maýsymda aıaqtalady, ony uzartý týraly másele OPEK-tiń kezekti májilisinde, 25 mamyr kúni Venada talqylanady.