ALJIR lagerin kıeli jerler tizimine engizý usynyldy
Bul týraly QR Ulttyq mýzeıinde ótken «Saıası qýǵyn-súrgin qurbandaryn eske alý» kúnine baılanysty jıynda «Sakraldy Qazaqstan» ǵylymı-zertteý ortalyǵynyń dırektory Berik Ábdiǵalı málim etti.
«Elimizdegi tas dáýirinen búginge deıingi eskertkishterdi túgendep jatyrmyz. Oblystaǵy ǵalymdarmen birge kıeli jerler tizimi qurylyp jatyr. Onda tek qana arheologııalyq, tarıhı oryndar emes, Qazaqstan tarıhyndaǵy saıası-tarıhı oqıǵalar bolǵan jerler de bar. Máselen, qasiretke toly ALJIR lagerin tizimge engizý usynylyp jatyr. Bul tarıhta umytylmaıtyn oryndardyń biri», - dedi Berik Ábdiǵalı.
Sonymen birge, ǵalym asharshylyq kezindegi kóterilisterge qatysqan azamattardy, kóterilis basshylaryn anyqtap, olardyń esimderin aqtaý qajettigin basa aıtty.
«Áli kúnge deıin esimi elge tolyq qaıtarylmaǵan tulǵalar bar. Máselen, Sozaq kóterilisinde 300 adam atylyp, qýdalandy. Mańǵystaýda, Abyralyda asharshylyqqa qarsy kóterilister boldy. Olardyń kópshiligi áli aqtalmaǵan. Nege aqtalmady dep surasaq, olar adam óltirgen deıdi. ıAǵnı, olar adam óltirýine baılanysty arnaıy organdarda qylmysker, bandıt retinde sottalǵan. Al endi zaman ózgerdi, áli kúnge deıin eldiń qamyn oılaǵan azamattardyń esimderin aqtaı almaı kelemiz», - dep atap ótti ol.
Aıta keteıik, «Saıası qýǵyn-súrgin qurbandaryn eske alý» kúni Prezıdenttiń 1997 jyly 5 sáýirdegi buıryǵymen jyl saıyn 31 mamyrda atap ótiledi. Tarıhshylardyń málimeti boıynsha, 1937-38 jyldary Keńestik Qazaqstannyń 118 myń adamy sottalyp, 25 myńyna atý jazasy kesilgen.
