Aljır quramasy álem chempıonatynan alatyn syıaqylaryn palestınalyqtarǵa aýdarmaq

ASTANA. QazAqparat - Aljır qurama komandasy 2014 jylǵy álem chempıonatynda alatyn ózderiniń syıaqylaryn alýdan bas tartty. Dálirek aıtsaq, olar syıaqylaryn tolyǵymen Gaza sektoryndaǵy jaǵdaıy nashar palestınalyq musylmandarǵa aýdarmaq. Bul ıgi bastamany Aljır quramasynyń shabýylshysy, toptyq sońǵy kezdesýde óziniń sheshýshi golyn soqqan Islam Slımanı kóterip otyr.

«Onyń ústine Afrıka quramasynyń oıynshylary týrnırge qatysqanda alatyn aqshalary qolǵa tımegendikten, ary qaraı oıyndy jalǵastyrýdan bas tartqan bolatyn. Bul bir jaǵynan sol afrıkalyqtarǵa úlgi retinde uıymdastyrylǵan is-shara bolsa kerekti.

Sondaı-aq, Islam Slımanı alatyn syıaqylaryn Gaza qalasyndaǵy zardap shekkken halyqqa jiberetindikterin aıtty jáne de bir sózinde: «Bul aqshaǵa bizden góri solar muqtaj», - dep naǵyz musylmandyq úlgi kórsetti», - dep jazady islam.kz. portaly.