Aljır, Grekııa, Italııa men Chernogorııada orman órti órship tur
NUR-SULTAN. QazAqparat – Aljır, Grekııa, Italııa jáne Chernogorııa orman órtimen arpalysýda. Jalyn ıÝNESKO-nyń Dúnıejúzilik murasy tizimindegi parkterge qaýip tóndirip tur. Bul týraly QazAqparat Euronews agenttigine silteme jasap habarlaıdy.
Aljır eliniń soltústigindegi Tızı-Ýzý jáne Bedjaıa provıntsııalarynda tabıǵı apat kem degende 69 adamnyń ómirin qıyp ketti, sonyń ishinde 28-i – áskerıler. Beısenbi kúni elde aza tutý jarııalandy.
Orman órti Italııada da órship tur. Keshe munda Eýropa úshin rekordtyq temperatýra – Tselsıı boıynsha 48,8 gradýs tirkelgen. Ásirese Kalabrııa aımaǵy men Sıtsılııa aralyndaǵy jaǵdaı kúrdeli, ondaǵy Etna janartaýynyń bókterinde jáne Palermoǵa jaqyn ornalasqan Madonıe taýlaryndaǵy aǵashtar otqa oranýda.
Tehnık mamandar Grekııanyń Evbeıa aralynda elektr tasymaldaý jelilerin qalpyna keltirip jatyr. Aımaqta kóptegen jalyn oshaqtary sóndirildi, alaıda araldyń soltústik bóligi áli de jaryqsyz otyr. Mundaǵy alyp qaraǵaılardan túk qalmady, záıtún, injir jáne júzim plantatsııalary joıylǵan.
Al Chernogorııada orman órti ıÝNESKO-nyń Dúnıejúzilik murasy tizimine kirip otyrǵan Dýrmıtor ulttyq saıabaǵyna deıin jetti. Jalyn Tara ózeni janyndaǵy shatqalda jyldam taralyp keledi.
