«Aljır» fılminiń premerasy ótedi
ASTANA. QazAqparat - 2017 jyldyń 7 mamyrynan bastap Astana, Almaty, Shymkent, Aqtóbe, Qaraǵandy qalalarynda «Qazaqstan» teleradıokorporatsııasynyń tapsyrysymen túsirilgen «ALJIR» kórkem fılminiń premeralyq kórsetilimi bastalady, dep habarlaıdy QazAqparat.
Kıno-týyndyda «halyq jaýy» atanǵan el jaısańdarynyń jubaılary men balalarynyń «ALJIR» lagerinde ajalmen arpalysyp ótken ómiri, taýqymetti taǵdyry baıandalady.
«Fılmniń bas keıipkerleriniń biri, Sveta esimdi boıjetken ájesiniń sońǵy amanatyn oryndaý úshin, Reseıden Astanaǵa attanady. Onyń qolynda, ájesiniń osy lagerde basynan ótkizgen oqıǵalary jaıly jazylǵan eski kúndeligi saqtalǵan. Svetanyń maqsaty - qylyshynan qan tamǵan surapyl «qyzyl terror» jyldary anasy men ájesin ashtyq pen ajaldan, qıyn jaǵdaıǵa qaramastan, qoryqpaı aman alyp qalǵan, Álıhan esimdi qazaq jaýyngerin izdep tabý. Ol kisi búgingi kúni jasy toqsannan asqan aýyl aqsaqaly. Sveta men qart Álıhan búkil fılm boıy azapta ótken sonaý surapyl jyldardy eske alyp, qaıtadan sol kezderge oralǵandaı bolady», - delingen baspasóz baıanynda.
Saıası qýǵyn-súrginniń 80 jyldyǵyna oraı túsirilgen fılmniń qoıýshy-rejısseri Ánýar Raıbaev, rólderdi somdaǵan: Qobylandy Bolat, Altynaı Nógerbek, Anna Starchenko jáne t.b.
Premeralyq kórsetilimder ótetin «Kinopark» jelileri:
Aqtóbe - Kinopark 7 «Keryencity».
Shymkent Kinopark 5, «Mega».
Almaty «Spýtnık», «Saryarqa», «Esentai Mall».
Astana «Kerýen», «Mega sıtı», «Saryarqa».
Qaraǵandy «City Mall». Kinoplexx.
