«ALJIR-diń» ataqty esimderi» kórmesi óz jumysyn bastady
ASTANA. QazAqparat - Keshe Aqmol kentindegi «ALJIR» murajaı-memorıaldyq kesheninde tutqynda bolǵan belgili áıelderdiń sýretterin jınaqtaǵan kórme óz jumysyn bastady, dep habarlady astana.gov.kz.
Ústimizdegi jyly 20 mamyr men 8 maýsym aralyǵynda kórme qonaqtary «otanyn satqan» dep ádiletsiz tanylǵan memleket jáne qoǵam qaıratkerleriniń áıelderiniń, analary men qaryndastarynyń sýretterin kóre alady. Ekspozıtsııada saıası qýǵyn-súrgin men totalıtarızm qurbandary bolǵan Beıimbet Maılınniń jary Gúljamal Maılınanyń, Turar Rysqulovtyń jary Ázıza men Maııa Plısetskaıanyń, Bolat Okýdjavanyń analary, sonymen qatar, Lıdııa Rýslanova, Gýlıandam Qojanova, Zýfnýn Nurmaqova, Dámesh Júrgeneva, Fatıma Osmanova, Ekaterına Kalınına, Marıam Esqaraeva, Tatıana Afonına, Rázııa Meńdesheva, Lıdııa Frenkel, Zaǵfı Tinálınalardyń sýretteri oryn tapty.
Eske sala keteıik, KSRO ІІHK 1937 jylǵy 15 tamyzdaǵy №00486 buıryǵymen qoǵam qaıratkerleriniń otbasylarynyń músheleri jappaı qýdalaýǵa ushyrady. Bul qujat kinásiz jandardy túrmege qamap, eń aldymen qaıratkerlerdiń jubaılaryn lagerlerge aıdaýǵa túrtki boldy. Qysqa merzimniń ishinde 18 myń áıel qamaýǵa alyndy, olardyń 8 myńy Aqmoladaǵy lagerde óz merzimderin ótedi.
