Aljır bıligi búlikten qaýiptenip halyqqa bet burdy
ASTANA. 4 aqpan. QazAqparat - Aljırde 19 jyl boıy oryn alǵan tótenshe jaǵdaı tártibi taıaý ýaqytta joıylady.
Bul týraly el Prezıdenti Abdelazız Býteflıka jergilikti BAQ-qa bergen suhbatynda málim etti, dep habarlaıdy RBK Reuters agenttigine silteme jasaı otyryp. Memleket basshysy, sonymen qatar, Aljır Úkimeti jumys ornyn ashý jáne baspa men aqparat erkindigin keńeıtý jolynda jańa sharalar qabyldaıtynyn atap ótti. Soǵan qosa, narazylyq sharalaryn ótkizýge salynǵan tyıym joıylmaq, alaıda bul el astanasyna qatysty emes.
A.Býteflıkanyń aıtýynsha, elde jappaı tártipsizdkke jol bermes úshin oppozıtsııalyq partııalar zańdy qurmetteýi tıis.
Aljır prezıdentiniń málimdemesi bıylǵy jyldyń qańtarynda birqatar el provıntsııalarynda bolǵan jappaı tártipsizdikterge baǵyttalǵan jaýap boldy. Halyq narazylyǵynyń basty sebebi un, ósimdik maıy jáne qant sııaqty birqatar azyq-túlik baǵalarynyń qymbattaýy edi. Sonymen qatar aljırlikterdiń narazylyǵy bıliktiń azamattardy qoljetimdi baspanamen qamtamasyz ete almaýyna da baılanysty bolyp otyr.
