Aljır BAÁ-men dıplomatııalyq qatynasyn úzdi
ASTANA. KAZINFORM — Aljır bıligi Abý-Dabıdiń «arandatýshylyq nemese dushpandyq» dep baǵalanǵan birqatar áreketinen keıin Birikken Arab Ámirlikterimen dıplomatııalyq qatynasyn úzetinin málimdedi, dep habarlaıdy Al Jazeera.
Aljır Syrtqy ister mınıstrliginiń málimetinshe, BAÁ-niń áreketi birneshe ret jasalǵan eskertýlerge qaramastan, bılik endi qabyldaı almaıtyn deńgeıge jetken. Vedomstvo Aljırdiń ekijaqty qarym-qatynasty saqtap qalýdyń barlyq múmkindigin paıdalanǵanyn málimdedi.
BAÁ elshisi Aljır Syrtqy ister mınıstrligine shaqyrylyp, qabyldanǵan sheshim týraly habardar etildi. Oǵan tıisti rásimderdi oryndaý úshin 48 saǵat ýaqyt berildi.
Keıinirek juma kúninen bastap Aljır BAÁ-de tirkelgen barlyq azamattyq jáne áskerı áýe kemelerine áýe keńistigin jabatyny belgili boldy. Alaıda BAÁ-niń Aljırge jáne keri baǵyttaǵy kommertsııalyq reısterine qoldanystaǵy kelisimniń merzimi aıaqtalatyn 2026 jyldyń sońyna deıin tyıym salynbaıdy.
BAÁ Syrtqy ister mınıstrligi Aljırdiń bul sheshimi ýaqytsha bolady degen úmit bildirdi. Vedomstvo Aljır halqyna qurmetpen qaraıtynyn aıtyp, eki el azamattary arasyndaǵy baılanystardy atap ótti.
BAÁ prezıdentiniń dıplomatııalyq máseleler jónindegi keńesshisi Anvar Gargash áleýmettik jelidegi paraqshasynda dıplomatııalyq qatynastar «parasattylyqqa, baılanysqa jáne múddelerdiń aıqyndyǵyna» negizdelýi kerektigin málimdedi. Alaıda ol Aljırdi tikeleı atamady.
Basylymnyń habarlaýynsha, sońǵy jyldary aımaqtyq birqatar máselege qatysty kelispeýshilikterge baılanysty Aljır men BAÁ arasyndaǵy qarym-qatynas shıelenisti bolyp kelgen.
Aıta ketelik Mysyr Aljırden munaı ımporttaıtyny týraly jazǵan edik.
