Aljır 19 jylǵa sozylǵan tótenshe jaǵdaı tártibin joıdy
ASTANA. 26 aqpan. QazAqparat - 24 aqpanda Aljırde 19 jylǵa sozylǵan tótenshe jaǵdaı (TJ) tártibi joıyldy.
Bul týraly Agence France-Presse habarlady.
TJ tártibiniń joıylýy eldiń Qarýly Kúshteriniń ishki qaýipsizdik máselelerine aralasý múmkindiginiń aıtarlyqtaı shektelgenin bildiredi, - dep habarlaıdy BBC News.
Aljır bıligi TJ joıylýyna qaramastan ıslamdyq baǵyttaǵy lańkestik uıymdarmen kúresti odan ári jalǵastyratynyna ýáde berdi. TJ tártibi 1991 jyly ıslamıster jeńiske jetken saılaýdyń nátıjesi joqqa shyǵarylǵannan keıin engizilgen bolatyn. Nátıjesinde, azamattardyń quqyqtary men bostandyqtaryna shekteý qoıylyp, quqyq qorǵaý organdarynyń ókilettiligi ıslamshylar men zaıyrly memleketti jaqtaýshylardyń arasyndaǵy qaqtyǵys kezinde keńeıtilgen bolatyn.
Prezıdent Abdelazız Býteflıka qańtar jáne aqpan aıynda elde jappaı narazylyq sherýine shyqqan halyqtyń talaptaryn oryndaý úshin saıası saladaǵy reformany TJ tártibin joıýmen bastady. Býteflıkanyń aıtýynsha, jańa memlekettik saıasattyń negizine ulttyq ekonomıkany qorǵaýǵa baǵyttalǵan sybaılas jemqorlyqqa qarsy naýqan kiredi.
