ALYPTOMAR KESENESІ
Alyptomar kesenesi - HІH ǵasyrdyń sońǵy sáýlet óneri eskertkishteriniń biri. Aqmola oblysynyń Qorǵaljyn aýdanyndaǵy Qorǵaljyn aýylynan shyǵys - ońtústik - shyǵysqa qaraı on shaqyrym qashyqtyqta, ashyq dalada ornalasqan.
Alyptomar kesenesi 2006 jyly «QazJoba qalpyna keltirý» Respýblıkalyq memlekettik kásiporyny ǵylymı-zertteý jáne jobalaý fılıalynyń Jıyntyq bólimimen (jetekshisi G.Qamalova) zerttelgen.
Kesene mólsherleri 35h22h10 sm jáne 30h28h10 sm shıki óńdelgen kirpishterden qalanǵan. Kúmbezdiń jáne kirme arkasynyń ústińgi bóligi opyrylǵan.
Josparynda dıametri 6,8 metr dóńgelek negizi bar kúmbezdi mazardyń ortalyqty tıpin sıpattaıdy. Shyǵys jaǵyndaǵy esigi kólemniń búkil bıiktigine sozylǵan eki tirek aralyǵynyń doǵa tárizdi jabyny qýys túrinde jasalǵan, onyń ortalyq núktesindegi bıiktigi 3,15 metr.
Áshekeıli sheshim retinde mazardyń búkil tsılındrlik kólemi boıynsha kúńgirt jáne ashyq óńdi kirpishter qalaý qatarlarynyń almasýy qoldanylǵan.
Іshinde mazardyń josparynda domalaq dıametri 3,68 m bólme ústindegi kúmbezge ótý shyǵyńqy kirpish qalaýymen oryndalǵan. Kúmbezdiń soltústik jaǵynda qabyrǵalardyń negizinen 1,3 metr deńgeıde bıiktigi 0,5 metr jebe tárizdes teksheler oryndalǵan.
Derek kózi:
Aqmola oblysynyń tarıhı jáne mádenı murasy. Eskertkishter jıyntyǵy, Almaty - 2008 jyl.
