Alypsatarlar xalyqty qalaı aldaıdy - Kosarevtiń esebi
ASTANA. QazAqparat - QR Parlament Májilisiniń depýtaty Vladıslav Kosarev Úkimet basshysynyń atyna saýal joldap, qymbat baǵaǵa saı salyq júıesin engizýdi usyndy, dep xabarlaıdy QazAqparat tilshisi.
«Qazir kómir óz baǵasynan eki-úsh esege qymbat satylady. Sút 55-60 teńgeden jınalady da, artynan dúkende 210-270 teńgege satylady. Aıran jáne basqa da osy ispetti ónimderdi 400-den qoıady. Ol óz baǵasynan 6-7 ese artyq. Osy saladaǵy tártiptiń bolmaýynan tabystyń biraz bóligi alypsatarlardyń qaltasynda ketedi. Ásirese, kókónis saýdasynda alypsatarlyq kóp», - deıdi Kosarev.
Onyń aıtýynsha, pııazdyń bir kelisin ósirýge 11 teńge jumsalsa, kartop, sábiz, qyryqqabat pen basqa kókónisterge shamamen 20 teńge ketedi. Al bazarda baǵa on esege sharyqtap ketedi. Depýtat Kosarev osy salada jumys istep jatqan adamdardyń jalaqysy da ádil eseptelmeıdi dep sanaıdy.
«Karl Marks bylaı aıtqan, eger jumysshy óndirilgen taýardyń baǵasynan 15 paıyzǵa tómen jalaqy alsa, onda bul - taza eksplýatatsııa. Bizdegi jaǵdaı - 3-5 paıyz, al kókónis ósirý salasyda atalǵan kórsetkish 1 paıyzǵa da jetpeıdi», - dep atap kórsetti depýtat.
Óz sózinde ol qymbat baǵaǵa saı salyq júıesin engizý qajettigin jetkizdi.
Aıta keteıik, búgingi otyrysta depýtat Amanjan Jamalov QR Ulttyq tóraǵasy Danııar Aqyshevtiń atyna saýal joldap, blokcheın men krıptovalıýtalar boıynsha vedomstvoaralyq komıssııany qurýdy usyndy.
Kommýnıster dári-dármekterdiń arzandaıtynyna senbeı tindikterin aıtty.
Al depýtat Ertaev general Muxtarovqa qatań eskertý jasady.
Kolledj stýdentterine artyq pánderdi tyqpalaý máselesi de kóterildi.
