Alyp jylan ózin súımek bolǵan týrıstiń murnyn shaǵyp aldy
ASTANA. QazAqparat - Ǵalamtorda Taılandtaǵy shoýdan úzindi beınelengen vıdeo qaralymy kúrt artýda. Eki qyzmetker kóterip turǵan alyp pıton ózine jaqyndaǵan kórermenniń murnynan tistep aldy, dep habarlaıdy newsru.com saıty.
The Phuket News basylymynyń jazýyna qaraǵanda, betinen jaraqat alǵan kelinshek aýrýhanaǵa túsken. Qazir onyń densaýlyǵyna qaýip tónip turǵan joq. Jaqyn arada ol emhanadan shyǵarylady dep kútilýde.
Oqys oqıǵa Phýket aralyndaǵy saıabaqtardyń birinde bolǵan. 9 qańtarda kórermenderge uzyn ala pıtonnyń qatysýymen shoý ótkizilgen. Bul - álemdegi eń uzyn jylan dep sanalady.
29 jastaǵy qytaılyq týrıst shoý kezinde jylandy súıý úshin eńkeıgeni vıdeoda aıqyn kórinip tur. Ala pıton ýly jylan emes. Biraq dárigerler arasha túspegende týrıstiń densaýlyǵyna aıtarlyqtaı zardap kelýi múmkin eken. Dárigerler onyń betin birneshe jerinen tikken.
Zardap shegýshiniń emdelý aqysyn shoý uıymdastyrýshylar ózderi tólepti.
