Alyp jylan meıramhana kúzetshisin býyndyryp óltirdi

Atalǵan oqıǵa beısenbi kúni shamamen 03:00-de elıtalyq Hyatt qonaqúıi mańynda boldy.

Qonaqúı qyzmetkeriniń aıtýyna qaraǵanda, uzyndyǵy shamamen 4,5 metr bolatyn alyp jylan Snýr kýrortynda qonaqúı janyndaǵy joldy kese ótip bara jatqan. Kórshi meıramhananyń kúzetshisi 59 jastaǵy Ambar Arıanto Mýlıo ony ustaýǵa kómektespekke árekettengen. Ol pıtonnyń quıryǵy men basynan ustap ıyǵyna salyp úlgergen. Alaıda ol boı bermeı Arıanto Mýlıony orap tunshyqtyrǵan.

Qonaqúı qaýipsizdik qyzmetiniń qyzmetkeri Agýnga Bavýdyń, «bári óte tez boldy. Bizdiń kúzetshige kómektese almaǵanymyz ókinishti», - degen sózin keltiredi Associated Press.

Kýágerler oqıǵa ornyna polıtsııa men «jedel járdemdi» shaqyrǵan. Shuǵyl jetken medıtsına qyzmetkerleri kúzetshiniń jantásilim etkenin anyqtady. Al pıton kózden ǵaıyp bolyp úlgergen.