Alyp teleskop Kúnniń jumysy týraly kıno túsirdi
ASTANA. Qarashanyń 17-si. QazAqparat - Kúndi zertteýshi ǵalymdar onyń ústińgi qabatynda bolyp jatqan ózgerister týraly fılm shyǵardy,
dep habarlaıdy QazAqparat Lenta. Rý saıtyna silteme jasap.
Qajetti derekter SUNRISE alyp teleskopymen alyndy.
SUNRISE teleskopy Kúndi bes kún boıy baqylady. Ol 37 shaqyrymdyq bıiktikte, stratosfera qabatynda turdy. Aýa qabatyna ony gelıı toltyrylǵan aerostat alyp shyqty. Jerden osynshama qashyqtyqta ýltrakúlgin sáýleni jutatyn atmosferadaǵy týrbýlentti aǵyndar jáne ozon qabaty kedergi etpeıdi. Teleskop Shvetsııada maýsymnyń 8-inde ushyrylǵan bolatyn. Apparat Kanadanyń ıeligine jatatyn Nýnavýt aýmaǵyna oıdaǵydaı qondy.
SUNRISE jalpy jıyny 1,8 terabaıt derekter jınady. Teleskop Kúnniń ústińgi qabatyn túrli dıapazondarda sýretke túsirdi jáne juldyzdardyń magnıtti órisin baqylady.
