Alyp kúshke ıe almatylyq boıjetken Reseı chempıonatynda jeńiske jetti
ASTANA. QazAqparat - Almatylyq gımnast Darıa Nesterova kúshtik ekstrımnen Reseı ashyq birinshiliginde jeńiske jetti, dep habarlaıdy QazAqparat sports.kz-ke silteme jasap.
Birinshi týrda Darıa 200 kelilik zatty 20 metrge deıin op-ońaı súırep aparǵan. Ekinshi kezeńde 100 kg bolatyn eki bóshkeni 15 metr jerge kóterip aparǵan. Al «Fermerdiń serýeni» atty konkýrsta ár qolyna salmaǵy 70 kg bolatyn júkti kótergen boıy 40 metrge júrip bardy. Sońǵy týrda - 60 kg tasty bir mınýtta barynsha kóp márte kóterýden jarysty.
Eske sala keteıik, osy jazda Darıa 50 jolaýshysy bar 22 tonnalyq tramvaıdy súırep, rekord ornatqan bolatyn.
