Alyp kúsh ıesi salmaǵy 13 tonnalyq órt sóndirý mashınasyn 10 metrden astam jerge tartty
ASTANA. QazAqparat - Mordovalyq alyp kúsh ıesi "KamAZ" júk kóligin ornynan qozǵady, tipti qozǵap qana qoımaı 10 metrden astam jerge tartty.
Sarandyq órt sóndirýshi Aleksandr Sabashvılıdiń bul rekordy jaıly Mordova Respýblıkasy boıynsha Reseı TJM MB málim etti, dep habarlaıdy Vestı.Ru.
Basqarma baspasóz qyzmetiniń atap ótýinshe, Sabashvılı buǵan deıin jalańash qolymen sý toltyrylǵan salmaǵy 10 tonna tartatyn "ZıL-130" órt sóndiretin avtotsısternany ornynan jyljytqan. Budan basqa er adam eki jaqqa júrýi tıis eki jeńil mashınany ornynan qozǵaltpaı ustap tura alady.
Bul joly alapat kúsh ıesi óziniń rekordyn jańartty: eski "ZıL-diń" ornyna jańa "KamAZ»-dy jyljyta aldy. Mashınanyń salmaǵy shamamen 13 tonna. «Bul joly Aleksandr "KamAZ"-dy 10-15 metrge tartý úshin jýan arqandy paıdalandy»,-dep atap ótti TJM MB-dan.
